Sejdiu: Nuk hyjmë me PAN-in dhe pikë

23:37 | 19 Korrik 2017
Arbresh.info

Deputeti i AKR-së, Korab Sejdiu ka thënë se partia e tij në asnjë mënyrë nuk do të bëjë koalicion me PAN-in.

Ai duke e komentuar takimin e sotëm të shefit të Shtabit të AKR-së, Rrahim Pacolli me presidentin Thaci, kreun e PDK-së, Kadri Veseli dhe Sami Lushtakun e PDK-së, ka thënë se ky ka qenë një takim i rastësishëm.

Ai këto komente i ka bërë në emisionin “Interaktiv” të KTV-së

Sejdiu është i bindur se PAN nuk i ka numrat dhe kësisoj AKR vazhdon të jetë e palëkundur në koalicionin me LDK-në dhe me Alternativën.

Ai tha se në AKR nuk ka shkuar asnjë ftesë nga ana e presidentit të vendit, për takimin e së hënës.

“Vendimet që i marrim si AKR, do të jenë në koordinim të plotë me partnerët e koalicionit”, tha ai

Shpërndaje në rrjete sociale

Lajmet më të lexuara

Të ngjashme

Foto lajm